Dathlu eich ymrwymiad
Byddai’n drueni peidio rhoi sylw i’r holl gefnogaeth ac ymrwymiad yr ydych wedi’i roi i’ch prentisiaeth ddwyieithog.
Mae sawl ffordd i ddathlu eich ymrwymiad a’ch prentisiaid:
Gwobrau staff
Os ydych eisoes yn cydnabod cyfraniad eich staff drwy system wobrwyo, beth am ystyried ychwanegu dwyieithrwydd?
Y cyfryngau cymdeithasol
Mae’r cyfryngau cymdeithasol yn lle perffaith i rannu straeon newyddion da. Fel hyn, gall eich cwsmeriaid, eich cyflenwyr, eich cefnogwyr a’ch dilynwyr weld eich ymrwymiad. Beth am ofyn i'ch prentis gyfrannu?
Cynllun Llysgenhadon y Coleg Cymraeg
Mae’r Coleg Cymraeg Cenedlaethol yn recriwtio llysgenhadon Cymraeg bob blwyddyn. Mae hyn yn cydnabod gwaith eich prentis wrth gwblhau eu prentisiaeth yn ddwyieithog yn ogystal â rhoi cyfle iddynt rannu eu profiad gyda’r genhedlaeth nesaf o brentisiaid.
Cynnig Cymraeg
Cydnabyddiaeth gan Gomisiynydd y Gymraeg o’ch ymrwymiad i’r Gymraeg yw’r Cynnig Cymraeg ac mae’n ffynhonnell i gael cyngor ac arweiniad ar gyfer datblygu pellach. Dyma gyfle i ddangos i'ch defnyddwyr eich bod yn ymfalchïo yn yr iaith Gymraeg ac yn barod i'w defnyddio.